THE STAFF OF THE APOSTLES: A Problem in Gospel Harmony
Notissimae difficultatis in harmonía Evangeliorum inventae, quod Christus Apostolis ad praedicandum regnum caelorum primo missis iuxta Marcum baculum concessit, iuxta Matthaeum vero et Lucam baculum negavit, nova proponitur solutio ex moribus Palaestinorum modernorum repetita. Etenim pastor hodiernu...
| Main Author: | |
|---|---|
| Format: | Electronic Article |
| Language: | English |
| Check availability: | HBZ Gateway |
| Interlibrary Loan: | Interlibrary Loan for the Fachinformationsdienste (Specialized Information Services in Germany) |
| Published: |
1923
|
| In: |
Biblica
Year: 1923, Volume: 4, Issue: 3, Pages: 241-266 |
| Online Access: |
Volltext (lizenzpflichtig) |
| Summary: | Notissimae difficultatis in harmonía Evangeliorum inventae, quod Christus Apostolis ad praedicandum regnum caelorum primo missis iuxta Marcum baculum concessit, iuxta Matthaeum vero et Lucam baculum negavit, nova proponitur solutio ex moribus Palaestinorum modernorum repetita. Etenim pastor hodiernus in Palaestina duos báculos portât, fustem plerumque e cingulo suspensum quo gregem a lupis et latronibus défendit, et virgam manu gestam qua ipsum gregem régit. Inde arguitur Christus, figuram pastoris in oratione sua adhibendo, Apostolis fustem ad seipsos defendendos negasse, virgam in signum pastoralis regiminis concessisse. Figuram pastoris in oratione Christi adhibitam ostendunt praeter rationes generales speciatim S. Matthaei locutiones, « sicut oves non habentes pastorem », qua missio Apostolorum introducitur, et « potius ite ad oves quae perierunt domus Israel », qua grex evangelizandus definitur. Accedit quod pera et duo vestimenta prohibita pastoribus magis quam viatoribus ordinariis necessaria essent, et exemplo pastoris potius quam viatoris summa paupertas inculcaretur. Usum modern urn fustem et virgam portandi etiam penes pastores Palaestinae antiquos viguisse ex V. T. speciatim, Ps. 23, 4, Zach. II, 4-15 et probabiliter 1 Sam. 17,43 apparet. Baculus prohibitus fustis erat, nam gladio correspondet Lc. 22, 36, ubi mutatis circumstantiis mutantur Domini instructiones, et « Baculum non pórtate >, tum in Luca tum in Matthaeo, non autem in Marco, aequivalet locutioni, « Mitto vos sicut oves in medio luporum »; oves enim in medio luporum inveniuntur tum tantum cum fustis pastoris qua arcentur lupi deest. Baculus concessus fuit virga officii pastoralis, ut apparet, non solum per modum consequentiae ex iam dictis, sed etiam ex 2 Reg. 4, 29, ubi legimus Eliseum haud dubie typum Christi virgam officii discípulo suo tradidisse ; nam Elisaei dicta in hac occasione Dominus Noster certo certius respexit et in sua ad discípulos oratione memoravit. Diversi Evangelistae, diversos báculos singillatim memorantes, eamdem vocem graecam convenienter adhibuerunt ; nam septuaginta interpretes voces hebraicas ad fustem et virgam designandum una eademque voce plerumque vertunt. Solutio análoga, qua inter baculum ad percutiendum et virgam regiminis distinguitur, a Tatiano in Diatessaron, ut ex versione Arabica et S. Ephraemi commentario luculenter apparet, iam ad finem secundi saeculi proposita est. Voces syriacae adhibitae, ab harmonía Tatiani in Codicem Sinaiticumrescriptum antiquitus receptae, adhuc conservantur et, cum in lingua syriaca et praesertim in dialecto Syro-Palaestino distinctionem indicatam satis exprimant, probabilissime ab ipso Christo forma haud multum dissimili prolatae sunt. Tatiani solutio ab usu orientali virgae officii ferendae petita nostram confirmare videtur. Interpretado virgae iuxta Marcum concessae testimoniis Patrum Gaudentii Episcopi Brixiensis, SS. Augustini et Bedae, Coelestini Papae primi collectim sumptis confirmatur. Quinimmo haec interpretatio magna cum probabilitate ortum dédit báculo pastoralis officii, quem Apostolorum successores Episcopi iam a quinto saeculo portare soient. |
|---|---|
| ISSN: | 2385-2062 |
| Contains: | Enthalten in: Biblica
|